Davao City – Nagkadaghan gayud karon ang ihap sa mga reported cases sa HIV-AIDS tungod kay daghan na usab ang naga-access sa medical services, intervention ug libreng HIV tests hinungdang na-report kini apan daghan usab ang wala ma-report tungod kay aduna gihapoy mga tawo nga naga-engage sa ‘risky sexual behavior.’
Sumala ni Alma Mondragon, Alliance Against Aids (ALAGAD- Mindanao) Executive Director, kini nga datos usa gihapon ka hagit bisan kon anaa sa ikapito nga pwesto ang Davao Region ingon man unsa pay pwedeng himoon aron malikayan ang pagkuyanap sa maong balatian.
Sugyot ni Mondragon nga pakusgan pa ang kampanya batok niining makamatay nga sakit ilabi na diha sa mga rural areas ug dili lamang sa sentrong lokalidad tungod kay daghan pa gihapon ang wala masayud sa mga programa sama sa health interventions, medical information ug services kontra HIV-AIDS.
RadyoMan Bernard Pantallon
