Davao City – Dili supak ang grupo sa mga Lesbian, Gay, Bisexual and Transgender kun LGBT nga himoong mandatory ang HIV-AIDS test sa tibuok nasud sa Pilipinas ingon man daku kini nga tabang aron malikay sa maong matang sa kabilinggan.
Sumala ni Carpio Abao, miyembro sa LGBT nga pabor siya sa maong balaud nga ipatuman sa tibuok nasud ilabi na ang mga nalambigit nga nakighilawas sama sa lalaki sa lalaki ug sa babaye sa lalaki.
Matud ni Abao nga angay suportahan sa tanan kining maong balaud aron sa hingpit nga matagaan og pagtagad sa gobyerno alang sa kaayohan sa maayong panglawas sa katawhan ilabi na sa wala matakdi sa maong balatian.
Gikasugyot ni Abao nga maghimo na og pasiunang lakang ang goberno sama sa pagpahigayon og orientation ngadto sa mga kabarangayan aron masayran kun si kinsa kadtong adunay gihambing sa maong balatian diha na pagasugdan ang mandatory HIV-AIDS test.
Apan alang sa usa ka tomboy nga gitago lang sa pangalan nga Raydo Ben, taga-Matina Aplaya ning siyudad nga angayan ipamugos ug ipatuman ang mandatory HIV-AIDS test sanglit padayong nagkadaghan ang natakbuyan sa maong balatian.
RadyoMaN Don Pulayao
