HIV/Kaso sang balatian nga HIV sa South Cotabato nadugangan na naman, lima nagpositibo sa sulod lang sang isa ka semana.

Padayon ang pagsaka sang kaso sang balatian nga Human Immunodefficiency Virus (HIV) sa South Cotabato tungod nagalab-ot na sa 47 halin Enero tubtob Abril 23 subong nga tuig sa diin sang nagligad lang nga semana may lima nga panibag-o nga nagpositibo.
Suno kay John Codilla, Infectious Disease Program Coordinator sang Provincial Health Office sang South Cotabato ini suno pa ang pinakamataas nga narekord nila nga kaso nga sa sulod lang sang isa ka semana lima gilayon ang nagpositibo.
Samtang nagapabilin naman sa tatlo ang patay sa nasambit nga balatian nga lunsay naman mga lalaki.