Hiyas sa Kagan gikoronahang Hiyas sa Kadayawan 2018

79

Davao City – Nidaog isip Hiyas sa Kadayawan 2018 ang taga-Barangay Bunawan nga si Nes-Ann Braem Naraga, 22 anyos gikan sa Tribong Kagan atol sa Grand Coronation Day sa RMC Fil Oil Flying V event center adlawng Sabado.

Walay kabutngan ang kalipay ni Naraga kay mas matabangan niya karon ang ilang tribu ug maduso niya ang iyang adbokasiya sa cultural empowerment ug proyektong Islamic Education human nga siya ang gitanghal nga Hiyas.

“Dako siya og impact kay dili lang among komunidad ang among matabangan kundili ang tibuok tribu ug ilabina nga ako ang Hiyas dili lang ko sa among tribu mag-focus apan para sa tanan. Pinaagi sa akong cultur empowerment tagaan nako ug pamaagi nga magpabiling lig-on gihapon ang among cultural practices,” sumala niini.

Gisul-ob sa Hiyas ang bag-ong disenyo nga korona, sash ug nidawat kini sa cash prize nga P100,000 ug P50,000 nga pondo para usab sa iyang proyekto ug lakip na uban pang mga premyo gikan sa mga sponsors.

“Daghan kaayong salamat ilabina sa atong Mayor Inday Sara-Duterte, sa mga nisuporta ilabina sa akong pamilya, sa akong mga ka tribu, sa akong Deputy Mayor ug sa akong Madayaw Cultural Emsemble nga andam musuporta sa akoa,” matud ni Naraga.

Samtang si Sittie Aisha Hadji Salim sa Maranao tribe ang napiling Hiyas sa Panaghiusa 2018 ug Hiyas sa Kalambuan 2018 mao si Karen Joy Dowing sa Bagobo K’Lata tribe.

Ang laing walo ka mga kandidata gi-awardan isip mga Hiyas sa Kaliwatan nga sila Chiary Balinan, Ata tribe, Lovern Jorich Bio, Bagobo-Tagabawa tribe, Monera Mande, Matigsalug tribe, Hanna Agujitas, 23, Obu Manuvu tribe, Juhaira Omar, Bangsa Iranun tribe, Norjanah Mohamad Sirad, Maguindanaon tribe, Tata Dolina B. Ambo,Sama tribe ug Rahma Balihani H Tausug tribe.

Nidawat sa special awards isip Hiyas ng Philippine Airlines si Sittie Aisha Hadji Salim sa Maranao tribe ug Hiyas ng Smart si Hanna Agujitas sa tribong Obu Manovu.

RadyoMaN Aimee Guinita

Facebook Comments