Hog Cockers Trading nasunog

21

Kalibo, Aklan – Padyon pa makaron nga gina imbestigahan it Bureau of Fire Protection Kalibo rong natabong sunog kabii sa Hog Cockers Trading nga nahamtang sa Toting reyes St., Kalibo, Aklan.
Sa pakikipag-angot it RMN Kalibo sa naga manage nga si Mr. Patrick Valentin nga kakauli eang gid nanda halin sa andang tindahan tag makabaton imaw it impormasyon nga nagakasunog raya. Dali-dali man sanda nga nagbalik ag nakita nanda raya nga nagakasunog.
Suno kana nga kaeakip sa mga nasunog hay ron 700 nga mga isiw nga bag-ong deliver, pila ka sako it feeds, kariton ag iba pa.
Insigida man raya nga ginrespondehan it mga taga BFP Kalibo ag na fire out raya mga 7:46 it gabii ag uwa eon gid man masunog tanan ron nasambit nga tindahan ag uwa man mag-eapta ro kaeayo.
Gina bana-bana nga kapin sa P1.3 Million ro nangin danyos sa ko nagtuhaw nga sunog.

Facebook Comments

From Advertisers