Davao de Oro – Hugot karon ang gihimong pag-monitor sa kagamhanang probinsya sa Davao de Oro pinaagi sa Provincial Agriculturist Office (PAGRO) batok African Swine Fever (ASF) human sa kasong natala sa kasikbit nga lalawigan sa Davao del Norte.
Sumala ni Davao de Oro Gov. Jayvee Tyron Uy, kinahanglan ang mga hog raiser mag- amping pinaagi sa insaktong pag-atiman sa ilang mga binuhing baboy sama sa paglikay sa pagpakaon sa ilang baboy gamit ang mga lamaw o mga sobra sa ilang mga pagkaon gikan sa kusina aron dili matakbuyan sa maong balatian.
Hugot ang gihimong pag-monitor sa mga sakyanan nga nagdala og mga de latang karne gikan sa kasikbit nga probinsya diha sa mga utlanan pinaagi sa mga foot bath ug wheel bath aron masiguro nga walay virus nga makasulod gikan sa laing lugar.
Una ng giingon sa mga eksperto nga dili delikado sa panglawas sa mga tawo ang ASF tungod kay hayop lamang ang mamahimong matakdan sa virus niini.
RadyoMaN Jules Catisay
