BACOLOD CITY – Gindakup sang mga katapo sang Police Station 2 ang isa ka suspek nga may warrant of arrest sini gid lamang nga aga sa Bangga Adams Brgy. Bata, Bacolod City.
Nakilala ang arestado nga suspek nga si Johnnie Villarete, 32 anyos ang edad, single, pumuluyo sang Purok Riverside sang amo nga barangay.
Si Villarete ang may pending nga warrant of arrest nga gin-issue ni Honorable Judge Rosario Ester Orda sa kaso nga violation sang Section 11 sang Republic Act 9165.
Siya ang ginatudlo man nga naghold-ap sa isa ka taxi lakip man bar sa Villamonte nga ginapanag-iyahan sang isa ka Israeli national. Siya ang kilala man nga katapo sang notoryos nga ‘Aki Cuadra’ Hold-up Group.
Kapin 200 mil pesos ang ginrekomendar nga bail bond para sa temporaryo nga kahilwayan ni Villarete.
Ang operasyon ginpangunahan ni Police Station 2 Commander, Police S/Insp. Benedicto Villarias, Jr./Larry Trinidad photos/ RMN
