Karong adlawa alang sa ika 6 nga adlaw sa novena alang kang Sr. Sto. Niño nasinati sa mga mitambong sa 2:30 pm mass sa Basilica Minore del Sto. Niño ang kusog nga pag-uwan.
Hinungdan niini mao ang Low Pressure Area o LPA nga maoy nagdala niining uwan sa kabisay-an. Suma pa gane sa PAG-ASA nga posibleng magdala og daghang uwan ang maong LPA. In fact, ang NDRRMC nagpadala na og mga text messages karong hapon sa mga residente sa Cebu, Bohol ug Southern Leyte.
Bisan og anaa pay mga alert messages kabahin sa posibleng baha o landslides tungod sa dala nga uwan sa LPA, wa gihapon mahulga ang pagtoo sa mga deboto ni Sr. Sto. Niño. Liboan gihapon ka mga deboto ang mitambong sa misa sa alas 2:30 sa hapon. Sigurado nga bisan pa man bati ang panahon, padayon gihapon ang pag-abot sa mga deboto sa basilica para motambong sa novena.
Kudos sa tanang mga ni-antos alang sa pagpakita sa ilang tim-os nga gugma alang sa balaang bata nga si Sr. Sto. Niño. Viva Pit Señor!
