Hold-up suspect nga riding in tandem natiruhan sang pulis matapos nagbato, driver nakapalagyo

643

BACOLOD CITY – Patay ang isa ka hold-up suspect matapos natiruhan sang mga utoridad kagab-i sa Burgos Extention, Brgy. Villamonte, ciudad sang Bacolod.

Ginkilala ang suspek nga si Juniben Fulgo, legal ang edad kon diin ini siya ang nagaangkas sa motor nga ginadala naman sang isa pa gid ka suspek nga si Jan-jan Beatingo , legal ang edad kag pumuluyo sang Purok Sabes, Brgy. Villamonte.

Suno sa Police Station 2, may duha ka mga babayi ang nagreport sa pulis nga may mga las 8 kagab-i sa area sang 10th Street, Brgy. 10 ini sila ang ginbanggaan sang riding in tandem kag ginhold-up.

Ang mga biktima amo sandsay April Rose Miranda, 21 anyos, residente sang Brgy. Bata kag si Nelche Grace Gallaza, 21 anyos sang Brgy. 10, lunsay single.

Base sa imbestigasyon, sang ginbanggan ang duha, nakadalagan si Nelche kag nabilin si April matapos ini ang ginhambalan sang isa sa mga suspek nga “indi mag-giho, dal-a di ang bag mo.”

Gilayon nga nagpatigayon sang hot pursuit operation ang Police Station 2 sa pagpanguna sang Station Commander sini nga si PSI Leo Estopa kon diin sang mg alas 11 sang gab-i nakita ang mga suspek sa Burgos Extension, Brgy. Villamonte.

Sang nadakpan nagbato ang driver nga si Beatingo kon diin iya gintiro ang pulis rason nga nag-retaliate ang mga utoridad kag gintiro man ini apang ang iya backrider nga si Fulgo amo ang na-igo samtang nakapalagyo naman ang driver sang motorsiklo.

Nag-angkon sang pilas sa iya hawak si Fulgo gani gindala ini sa Corazon Locsin Montelibano Memorial Regional Hospital apang may mg alas 3:46 sini nga kaagahon, ini siya ang nagtaliwan./Sa litrato amu si PSInsp. Leo Estopa

Facebook Comments