Hold uppers misukol-patay

Davao City – Dead on arrival ang duha ka mga tulisan tungod napusilan human misukol sa otoridad nahitabo sa Emerald Street, Marfori Subdivision, Brgy. 9-A ning syudad bandang alas 3:50 kaganinang kadlawun.

Sa report sa San Pedro PNP, giila ang usa ka tulisan nga ‘alyas Rene’ , 29 anyos ug residente sa New Loon, Mintal, Tugbok District, Davao City samtang padayon pang ginaila sa otoridad ang usa ka pa ka suspek.

Sumala sa kapulisan nga nakadawat og report ang San Pedro PNP bahin sa pagpanghold-up sa may Marfori Subdivision. Brgy. 9-A ning syudad kaganinang kadlawun diin gitiunan og armas ang biktimang si Elias Bugsy Garcia Mauso, 20 anyos, residente sa marfori sa duha ka mga suspek nga nakasakay sa motorsiklo ug nakuha gikan sa biktima ang pitaka nga dunay 900 pesos.


Subay niini, daling girespondehan sa kapulisan ang reklamo ug naabtan ang duha sa nasangpit nga incident area apan nagmagahi kini sa pag-surrender ug mibunlot matud pa og armas ang usa hinungdan sa pagpinusilay nga miresulta sa pagkamatay sa duha ka suspek.

RadyoMaN Renz Barbarona

Facebook Comments