Hostage drama

Arestao el un persona despues yan hostage este con el un moher de edad adentro del bus del Rural Transit na Licomo enantes aga.
Con el suspechao ya conose como si Arnel Cadeleña, 22, soltero de Liloy, Zamboanga del Norte.
Asegun na report si Cadeleña ya munta na Kumalarang, Zamboanga del Sur donde ya paga este P20 con el conductor hablando ay abaha le na Imelda, Zamboanga Sibugay.
Pero ya pwede este durmi hasta ya llega na Licomo en este ciudad.
Llegar na checkpoint na Licomo, ya manda abaha con el maga pasahero para el inspection pero ya pwede nota maga pulis y maga marines questions ta carga bolo si Cadeleña.
Ya precura saca con el bolo el maga marines pero su Cadeleña ya subi otravez na bus y yan hostage con Anita Monteza, 71, quien ya sale na Bukidnon y residente de Tetuan en este ciudad.
Pero amediante del incidente, dayun ya precura negocia el maga pulis y soldao con Cadeleña y lomismo si Monteza yan conversa tambien conele.
Nohay tarda ya lleva abaha si Cadeleña con Monteza na bus y alya ya pwede conele pichi el maga otoridad.