Nag-ataki na naman ang duha ka mga holdaper sa bahin sang Osita Subdivision, Block 2, Barangay Zone 2, Koronadal City, pasado alas 6:00 kagab-i.
Sa imbestigasyon sang Koronadal CPS, samtang masako ang duha ka mga biktima sa ila nga buluhaton sa BBQ business sa bahin sang Carisma building, duha ka mga wala nakilal-an nga mga suspek ang nagpakuno-kuno nga kustomer kag nag-order sang BBQ. Apang makaligad ang pipila ka minutos gintutukan ang mga biktima sang armas luthang kag tungod sa kahadlok ginhatag sang mga biktima ang cellphone.
Nakuha sa mga biktima ang HUAWEI Y6 2018, color black nga nagakantidad sang ₱ P6, 000 kag REALME C11, color green, nagakantidad sang ₱4,500.
Gilayon naman nga nagpalagyo ang mga suspek.
Sa subong nagapadayon ang imbestigasyon sang Koronadal CPS sa insidente.
