Holiday sa May 14 indi na pagpiliton sang DOE

Indi na pagpiliton pa sang Department of Energy (DOE) ang pagdeklara sang holiday para sa May 14 ukon isa ka adlaw pagkatapos sang May 13 elections.

Suno kay Energy Undersecretary Felix Fuentebella, wala sang dapat kabalak-an sa posibilidad nga brownout sa ti-on sang canvassing sang mga boto.

Nagnubo man suno sa iya ang demand sa kuryente bangud sa mga pag-ulan nga gakabatyagan sang nagligad nga mga inadlaw.


Una na nga ginsiling sang DOE nga ginatun-an nila nga hinyu-on si Pangulong Rodrigo Duterte nga ideklarar man nga holiday ang May 14 para masigurado ang nagaka-igo nga suplay sang kuryente sa pagsugod sang inisipay. /IFM NEWSROOM/RCSG

Facebook Comments