Generally peaceful ang paghandom sa Semana Santa karong tuiga luyo sa pipila ka mga insidente sa mga nakalabay nga adlaw sa probinsya sa Bukidnon.
Sa interview sa RMN Malaybalay ngadto kang P/Supt. Arce Yam-oc ang hepe sa Bukidnon-PNP Planning ang Operations gibutyag niini nga ilang gikonsiderang generally peaceful ang semana santa taliwala sa mga insidenteng nahitabo sama sa pagpamusil ug pagkalumos.
Nakatabang sa pagsiguro sa kaluwasan sa publiko ang mga gipakatag nga mga pulis sa Holy Week.
Nasayran nga sunod-sunod nga pagpamusil ang nahitabo niadtong Huwebes Santo, Biyernes ug Sabado Santo.
Matud ni Yam-oc nga dili usab apektado ang kahapsay ug kalinaw sa mao nga pagpamusil tungod kay nahitabo kini sa hilit nga mga dapit ug bangi sa yuta ang motibo sa mao nga mga krimen.
