Idineklara ng Police Regional Office (PRO) 1 na generally peaceful at manageable ang pagsunod sa Holy Week 2026 sa rehiyon, na may maayos na daloy ng mga relihiyosong aktibidad at walang major security incident na naiulat.
Ayon kay Dindo R. Reyes, Regional Director ng PRO 1, nakamit ang matagumpay na seguridad dahil sa estratehikong deployment ng mga tauhan. Pinatindi ang foot at mobile patrols sa mga komunidad, simbahan, at pangunahing tourist spots, na epektibong nakapigil sa krimen at nakasiguro sa kaligtasan ng mga deboto at biyahero.
Binanggit din niya ang mahalagang papel ng mga local government units at partner agencies sa pagpapanatili ng kaayusan.
Sa kabila ng maraming biyahero mula sa mahabang bakasyon, naging maayos ang daloy ng trapiko sa rehiyon dahil sa proactive management at malapit na koordinasyon ng PNP at iba pang advocacy groups.
Ipinabatid ng PRO 1 na mananatili ang heightened operational readiness sa buong summer season, at patuloy na ipatutupad ang anti-criminality campaigns at road safety monitoring upang mapanatili ang kapayapaan at kaayusan sa rehiyon. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
