Davao City – Dugang mga sakyanan ang gihangyo sa kadumalahan sa Davao City Overland Transport Terminal (DCOTT) sa mga kumpanya sa bus isip augmentation buses alang sa taliabot nga Semana Santa.
Sa pakighinabi sa DXDC RMN Davao kang Aisa Yusop, DCOTT manager, nanawagan kini sa mga kumpanya sa bus nga mag apply na og special permit sa Land Transportation Franchising and Regulatory Board (LTFRB) alang sa dugang bus nga padaganaon atol sa Holy week aron mo-accomodate sa dagsa sa mga pasahero.
“Naghangyo ko sa mga bus companies nato. Kabalo man gyud sila kung unsa tong mga ruta ug areas nga grabe ang mga pasahero nga kung mahimo, mag apply na sila og special permit sa atong LTFRB.” segun niini
Saysay ni Yusop nga subay sa ilang oberbasyon sa pipila ka katuigan, dagsa na ang mga pasahero ayha pa man magsugod ang Semana Santa rason nga gikinahanglan nga magbaton ug dugang mga sakyanan labi na atol sa maong peak season.
RadyoMaN Kirby Manzon
