Mihubag ang simod sa usa ka Marvin Enriquez, 29 anyos nga taga Grand Europa, Lissandra Subdivision, Barangay Lumbia ning siyudad human kini gisumbag ni Glenn Mark Bastiner, 26 anyos nga taga Taguanao, Barangay Indahag.
Saysay sa biktimang si Enriquez, alas 2:30 ang takna sa hapon kagahapon sa Cagayan Resort, kalit lang siyang gidoolan ni Bastiner ug dayung sumbag sa walay igong rason.
Human sa maong hitabo, daling gidala ang suspek sa Police Station 2, Cogon uban sa barangay Tanod sa Indahag nga sila Aurelio Diaz ug Ruel Tutanes.
Ang maong kaso gi-refer na sa investigation section alang sa tukmang disposasyon.
Facebook Comments
