Holy Week Practices

Davao City – Dakung kausaban ang atong nakita karon sa kinabuhi sa tanang mga tawo samtang ang kalibutan nipahulay karon tungod sa COVID-19 pandemic.

Diha sa gitawag nga pag-‘flatten sa COVID curve,’ radikal nga mga control measures sa social distancing o pag-distansya sa mga tawo ang gihimo.

Ang katawhan gi-abisuhang magpondo sa balay, ang mga non-essential nga mga aktibidad gihunong, ang pag-travel para mag -relax o trabaho gi-undang usa ug matag geographical borders gipasirad-an.


360 degrees nga tuyok ang hatod sa COVID-19 sa naandang kinabuhi sa atong higala nga si Ryan Ang, kinsa mahiligong maglatagaw.

Karon nga Semana Santa, lahi kini sa iyahang naandan sa sobra sa napulo na katuig na nga pagbyahe-biyahe sa bisan asang dapit sa nasud ug abroad.

“Curtail gyod ang imohamg mobility because of an invisible enemy. Mobility nako somehow nagbag-o gyod siya totally 360 because of the quarantine. Kung mugawas man ko because of the market only or to do some necessities outside of the house.”

Bisan tuod lisod alang kaniya ang nahimong adjustments sa quarantine period, nakita usab niya kini nga panahon aron makapamalandong.

“The least that I can do is magpuyo sa balay and it’s time to reflect on something.”

Aron mamahimo syang produktibo samtang naa sa balay, nahimo niyang kalingawan ang pagluto, paglantaw og mga salida ug pagmaminaw og balita.

“Sa panahon, wala tay mahimo kundili atong pugngan ang atong sarili. Kinahanglan gyod nato nga sundon kung unsa ang advice o abiso sa gobyerno kay para pod ni sa atong kaayuhan kay kung magginahi ta’g ulo musamot kadugay ug samot nga mabutang ta sa alanganin.”

Daghang naglaum nga malupig ra gayod sa hingpit ang coronavirus ug nga kini temporaryo lamang nga pagsulay ug nga sa dugay o sa madali, mahibalik ra sa gihapon sa normal ang tanan.

Apan ang klaro niining atong talagsaong kasinatian karon mao nga magpabilin gayod hangtod sa kahangturan ang mga kabag-ohan kun ang gitawag sa mga experts nga ‘The New Normal.’

RadyoMaN Aimee Guinita

Facebook Comments