Home for the Aged sa Digos gikawatan

Davao City- Gisulod sa mga kawatan ang Home for the aged Camillian Sisters Shelter sa may Lim Extension, Digos City.

Mipatala sa Digos City police station ang usa ka Lourdes Custodiya, 48 anyos, nagpuyo sa nahisgutang establisemento nga matud pa natingala nalang sila nga nahulog na ang aircon gikan sa nahimutangan ug gisulod ang maong lugar sa mga wala mailhing tawo ug nakuha ang laptop ug cash nga mokantidad og dul-an 100,000 mil ka pesos.

Sa inisyal nga imbestigasyon sa kapulisan, posibleng sa gikahimutangan sa aircon miagi ang mga suspek.


Naghimo na og follow up investigation ang kapulisan sa Digos aron maila ug madakpan ang mga suspetsado.

RadyoMaN Paul Canono

Facebook Comments