Davao City- Narekober sa Tagum City Police ang usa ka 9mm nga pistola nga dunay usa ka magasin ug 9 ka mga bala nga gibilin sa usa ka wala mailhing tawo partikularminte sa may prk. 2 Durian Brgy. Apokon, Tagum City bandang alas 4:30 sa hapon.
Sa gihimo nga pagpanubay sa kapulisan, ang maong pistola gipanag-iyahan sa usa ka pulis nga gipatay nga mao si SPO2 Orland Badar nga nadestino kaniadto sa Police Station 7, Paquibato District, Davao City.
Kahinumduman nga gipatay si SPO2 Badar kaniadtong Agosto 9 ning tuiga.
Sa karon, naghimo na og follow up investigation ang kapulisan aron masuta og kinsa ang nagbilin sa maong armas nga posibleng dunay kalambigitan sa pagpatay kang Badar.
RadyoMaN Paul Canono
Facebook Comments
