Davao City – Dakpan sa Tagum PNP ang usa ka wanted sa kasong homicide didto sa may Purok Agan, Magdum, Tagum City.
Ang suspetsado giila nga si Randy Marangga Asencio, 32 anyos, residente sa Prk. Curvada, Brgy. Magdum, Tagum City.
Pinasikad sa warrant of arrest sa kasong Homicide nga giisyu ni Hon. Judge Arlene I. Lirag-Palabrica sa RTC Branch 31, Tagum City, Davao del Norte nga adunay girekomendar nga pyansang P120,000.00.
Ang suspek gitudlo sa mga saksi nga mao nipusil patay sa biktimang si Jonathan Roxas niadtong August 1,2018 sa may Balutan, Curvada, Magdum, Tagum City.
Gihimakak sa akusado ang pasangil samtang priso na kini karon sa Tagum City PNP.
Gipanganti ni Police Regional Office XI Regional Director P/BGen. Marcelo Morales nga pangarestuhon nila kining mga wanted persons nga ania sa Davao Region.
RadyoMaN Aimee Guinita
