Usa ka plain housewife kansang bana , usa ka construction worker, ug adunay duha ka mga anak niuli sa iyang nakit-an nga bag sud sa taxi nga iyang nasakyan.
Si Mela Sabal, 24 anyos taga Togbongan Consolacion apan lumad nga taga Bantayan,niturn-over sa DYHP sa bag nga adunay cash nga P40,000 , 60 pounds, 75 euros, Apple Laptop,Iphone,bankbook, pocket wifi ug passports nila ni Manilyn Ebardone ug sa usa ka British National.
Matud ni Sabal nga nakit an niya ang bag sa passenger seat sa taxi nga iyang gisakyan gikan sa Tamiya paingun sa Parkmall niadtong Domingo Marso 18.
Gisaysay ni Sabal nga iyang gisuwayan pagpangita og kontak number ang tag iya apan walay bisan usa ka numero,wala usab niya makontak sa facebook.
Nakahukom si Sabal nga iturn over sa DYHP ang estasyon nga iyang paboritong paminawon ang maong salapi ug mga butang.
Ang DYHP nangita og paagi ug iniative aron ma trace si Ebardone ,aron sa ingun mapahibaw nga safety ug nakit an ang iyang bag nga dunay dakong salapi.
Nakontak gyud sa DYHP ang tag-iya, ug mapasalamaton nga kompleto ang ilang butang lakip na ang kwarta. Labaw sa tanan nagpasalamat si Ebardone kang Sabal.
Si Ebardone personal nga mobisita sa DYHP sunod semana pagclaim sa iyang butang ug kwarta.
