General santos City— Gipasidunggan sa hawanan sa konseho si PO1 Roldan Marco nga nakabasi sa headqaurter sa Regional Maritime Unit 12 human niining gi-uli ang kwartang iyahang nakit-an sa dalan kantidad 9mil ka pesos nga gipanag-iyahan sa usa ka Felimon Basante.
Gidayeg sa mga konsehal ang gihimo sa nahisgutang pulis gumikan luyo matud pa sa mga nanggwas nga negatibong balita tali sa kapulisan sa rehiyon milabayg mga semana, aduna gihapoy maayong binuhatan ang kapulisan.
Gihagit ni City councilor Atty. Jose Edmar Yumang ang mga miyembro sa konseho nga himuong sumbanan si PO1 marco ug siya nanghinaut nga lakip ang mga pulis sa GenSan City Police Office ang makakat-on ug kaayuhan sa nasangpit nga pulis aron sa paghimo ug kaayuhan alang sa uban.
Pamahayag ni Kagawad Jeng Gacal, chairman sa peace and order sa konseho nga wala nay rason ang kapulisan nga dili maghimo ug maayo gumikan kung basihan, halos doble ang gitaas sa ilahang sweldo hilabina sa mga PO1.
Nagpasar man usab ug resolusyon si Gensan City Councilor Atty. Ramon Melliza isip pagrekomenda kang PO1 Marco aron ma-promote ngadto na sa PO2.
