May naidentify na sila nga area ukon kwarto sa Provincial Hospital nga sarang butangan sang mga preso sang Provincial Jail nga maadmitir, suno kay Dr. Rogelio Aturdido Jr. Provincial Health Officer sang South Cotabato.
Suno kay Dr. Aturdido magamay na lang ang i-improve sa nasambit nga kwarto kag ini ang butangan gid sang rehas subong man gwardya sang Provincial Jail agud nga masiguro nga indi makaeskapo ang mga inmates nga maadmitir sa balay bululngan.
Yara naman suno pa sa 3 tubtob 4 ka mga preso ang sarang nga masulod sa nasambit nga kwarto.
Ini ang ila nga aksyon suno sa Provincial Health Officer sa rekomendasyon ni Governor Daisy Avance Fuentes nga magbutang gid sang kwarto nga ekslusibo lang para sa mga preso sang Provincial Jail agud nga malikawan nga makapalagyo ang mga ini kon maadmitir matapos nga may mga insidente na sadto pa nga natabo nga may inmates nga gindala sa balay bululngan ang nakapalagyo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
