Padayon karon ang pursuit operation sa kasudaluhan batok sa mga miyembro sa New People’s Army nga ilang naka-engkentro sa Barangay Iba, Cabanglasan, Bukidnon.
Sa interview sa RMN Malaybalay ngadto kang 1Lt. Erwin Bugarin, ang tigpamaba ug Civil Military Operations Officer sa 8th Infantry Battalion, Philippine Army gibutyag niini nga samtang naghimo ug pagpatrolya ang militar sa maong lugar, nakabaton sa engkwentro sa halos lima ka miyembro sa NPA nga milungtad ug 10 ka minuto.
Una nang nasamdan sa engkwentro si Corporal Olisito Tubos samtang gisayran pa sa militar kung adunay namatay o nasamdan sa panig sa mga rebelde.
Gisiguro usab sa 8th IB nga ipadayon nila ang paghatag ug serbisyo ug seguridad sa mga katawhan.
Gidepensa usab niini ang mao nga engkentro nga nahitabo sa gabie, matud ni Bugarin nga kabahin na kini sa ilang trabaho nga naka-andam 24 oras.
