Polomolok, South Cotabato–Nagpadayon ang gihimong hot pursuit operation sa Polomolok PNP sa mga suspek nga mi-ambush patay sa duha ka mga Police nga silang PatrolMan Bryan Costello ug PCpl. Witzel Russ Bitantos kansa gi-ambush sa pito ka gika-ingong armadong kalalakin-an sa Prk. 3-B, Brgy. Koronadal Proper, Polomolok, South Cotabato alas 2:15 ang takna kagahapong adlawa.
Sumala ni Police Captain Rommel Hitalia, Deputy Chief Of Police sa Polomolok PNP nga sa kasmatangan ila pang ginatumbok ang suspek sa krimen.
Samtang kalabutan sa trabaho isip Police ang usa sa mga anggulong gitutukan karon sa Polomolok PNP sa pagpang-ambush ngadto sa mga biktima.
Subay sa pamahayag sa kapulisan nagpahigayon ug patrolya ang mga nasangpit nga nakabase sa Polomolok Police Station dihang nahitabo ang pagpangambush.
Dali pang gidala sa balay tambalanan ang mga biktima apan gibakwian gihapon sa ilahang kinabuhi. Sa Karon, padayon ang ginahimong hot pursuit operation sa otorodad batok sa mga suspek nga paspas nga misibat padulong sa Prk. Matlong.
