Davao City – Nagpadayon karon ang house-tagging sa mga bakunadong residente sa Barangay Lasang, Davao City.
Gipahigayon ang ikaduhang hugna sa #Resbakuna Tagging sa Purok St. John, Scorpio ug Pisces, sa Sitio Bucana kagahapong adlawa (July 16, 2021).
Sa interbyu sa DXDC RMN Davao kang Barangay Lasang Kapitan Allan Simo-ag, gibutyag niini nga gisangon usab ang maong tahas sa mga purok leaders aron sila na ang magbutang og sticker sa balay sa ilang ginsakpan aron masuta kung pila ug kinsa na ang bakunado ug pila usab ka miyembro sa pamilya ang wala nagpabakuna.
Sa maong aktibidad, gipasabot sa mga residente ang tumong sa house-tagging nga usa lamang kini ka monitoring ug dili pugson sa pagpabakuna ingon man pagpasabot sa kampanya sa gobyerno batok Coronavirus Disease 2019 (COVID-19).
Una nang gibutyag sa opisyal, ang house-tagging/mapping usa ka inisyatibo sa barangay subay sa rekomendasyon sa Barangy Health Emergency Response Team (BHERT).
RadyoMaN Kirby Manzon
