Davao City- Gipalapdan sa lokal nga panggamhanan sa Davao ang pagpangita sa mga COVID-19 suspects.
Sa interbyu sa DXDC RMN Davao kang Dr. Ashley Lopez, City Health Office (CHO) chief, magbalay-balay ang mga contact tracers ug Barangay Health Workers aron masubay ang mga adunay influenza like illness (ILI) ug severe acute respiratory infections (SARI).
Giingon ni Lopez, kinahanglan gayud mopailawom sa RT-PCR testing, ang adunay 38 degrees celsius pataas nga kalintura, adunay ubo sulod sa napulo ka adlaw pataas tungod kay gikonsidera na kining COVID-19 suspect.
“Nag put-up mi og swab unit sa mga district health office. Ang gagawin mag-surveillance house to house, ibig sabihin maghanap ka ng mga symptomatic, apil na kadtong naay contact sa positive o walay contact pero symptomatic,ilista, kuhaon ug pull-out ug ipa-swab sa mga district health centers,” matud niini.
Gibutyag ni Lopez, pito na sa 18 ka mga District Health Centers ang anaa nay mga swab units, isip dugang sa mga swab areas nga nahimutang sa Ilang,Tibungco,S.I.R, Crossing Bayabas, Toril, Shanghai, Matina Aplaya ug Sta. Ana swabbing area.
RadyoMaN Aimee Guinita
