Sa regular session sa Sangguniang Panglungsod sa (SP)-Malaybalay adtong Martes, Pebrero 7,2023, giimbitahan sa konseho si PMaj. Mark Kenneth Salvacion, Provncial Officer sa Provincial Highway Patrol Team, gibutyag niya nga hugtanan nilang ipatuman ang balaod trapiko sa tibook probinsya partikular na sa siyudad sa Malaybalay.
Dugang pa niya nga makigkoordinar matud pa sila sa mga kapulisan, ug sa mga personahe sa Land Transportation Office (LTO) sa pagpatuman niini ilabi na pagsubay sa RA 4136 kon mas giila nga an act providing for compulsory psycho-technical driver assessment tests.
Giabisuhan usab niya ang publiko nga mudangop sa ilang buhatan ilabi na og adunay mga reklamo o pangutana kabahin sa balaod trapiko ug sa mga gapatuman sa balaod.
Mipadangat usab og panguta si City Councilor Royland Orquia, kinsa mao usay Chairman sa Committee on Peace and Security sa SP-Malaybalay, kabahin sa mga plano ug programa sa buhatan sa HPG may kalambigitan sa pag-paubos sa mga disgrasya sa kadalanan.
Tubag ni Maj. Salvacion nga makanunayon nilang gipahinomdom ang mga drayber ilabi na sa mga motorsiklo pinaagi sa paghatag og mga leaflets kabahin sa kaimportante sa pag-amping sa kadalanan.
