*General Santos City— Gibutyag ni Police Capt. Elmo Flores, Chief Investigator sa HPG 12 nga tanang bayolasyon sa mga nanag-iya ug sakyanan ilalom sa R.A 4136 ang ilahang gisuta.*
*Saysay niya nga sa tanang motorsiklo nga gi-presenta, usa ka motor ang walay na-presenta nga dokumento ug kini ang ipa-ilalom sa imbestigasyon.*
*Ang mga sakyanan matud pa nga adunay baypolasyon sama sa expire nga rehistro, walay plaka, expire ang lisensya ug uban pa ang hatagan ug igong panahon aron nga kini ma-comply.*
*Dugang pamahayag ni Police Capt Flores nga ang walay dokumento ang imbestigahan sa HPG aron masayran kung asa gikan ang maong motorsiklo ug masuta kung kini ginagamit sa illegal o dili.*
*Pagpaklaro niya nga dili tanang motor nga gisuta ang iyaha sa pulis gumikan tanang motor nga anaa sa sulod sa kampo ang ilahang gisuta ug uban niini ang gipanag-iyahan sa mga sibilyan.*
*Higayon matud pa nga dili ma-comply ang tanang requirements, mamahimong ma-impound ang ilahang mga sakyanan.*
