Polanco MPS*-*Walay nakitang foul play si Dr. Esmeralda Nadela sa kamatayon sa usa ka 74 anyos nga nakit-an sa suba didto sa may Brgy. De Venta perla, Polanco.
Kini human sa iyang gihimo nga pag examined sa patayng lawas ni Rodrigo Bongabong Sr, residente sa mao nga lugar.
Dako ang kakurat ni Salvador Abal, sa dihang misugat sa iyang duha mata ang patayng lawas sa biktima nga nag nalutaw sa suba, samtang nanugway kini sa iyang karabaw.
Saysay pa sa mga nakasaksi niini nga ang biktimang si Rodrigo, ulahi kining nakita atol sa kapistahan sa Brgy. Linabo, nga kung diin hubog niadtong higayona.
Pipila ka gutlo mipauli kini sa ilang panimalay ug tungod sa kahubog niini, gituohan nga nahulog kini sa suba nga maoy hinungdan sa pagkalumos niini.
Samtang gikustudiya karon sa buhatan sa kapulisan ang armas nga gitahan kanila sa usa ka pribadong indibidwal human sa ilang gihimo nga oplan katok (Bilang Boga), didto sa brgy. Isis, Polanco.
Ang tag-iya sa armas mao si Ernesto Aves Jr, 43 anyos menyo, residente ra usab sa mao nga lugar, usa ka seaman.
Kalibre 45 nga pistol ang iyang boluntaryong gi turned-over sa kapulisan, kini human wala pa na renew ang papeles.
Kahibaloan nga kanunayng nag awhag ang kapulisan kun adunay mga paso na ang lisensya sa armas, mamahimo kining I deposito sa buhatan sa kapulisan hangtod dili pa ma renew.
Kini may kalabutan sa hugot nga kampanya sa bilang boga, aron malikay usab nga magamit sa dili maayong binuhatan ang mga ihalas nga aramas.
