Davao City – Midangop sa Sta. Ana PNP ang usa ka John Martin Salcedo Miciano, 27 anyos, residente sa Brgy. 33-D Padre Gomez St., sa dihang gi kawat ang iyang kwarta samtang natulog sulod sa iyang sakyanan.
Sumala pa sa biktima nga nagdesisyon siyang matulog nalang sulod sa sakyanan aron makalikay sa disgraya inay mobyahe nga hubog.
Atul sa iyang pagkatulog, nakamatikod ang complainant nga dunay mga lihok nga ginakuot na matud pa iyang bulsa.
Sa naalimungawan ang complainant, gisuginlan siya sa usa ka wala mailhing kawatan nga nag-ingon nga gidaman ra siya ug damgo ra ang tanan rason nga nahibalik sa pagtulog ang complainant.
Human nahuwasan gikan sa kahubog ang biktima, nahanaw na ang iyang pitaka nga dunay sulod nga mga mahinungdanong gamit ug kantidad P400.00.
Bisan pa man sa paningkamot sa biktima sa pagpangita og balik sa iyang pitaka, wala nay mahimo ang complainant apan ipatala na lamang sa buhatan sa kapolisan sa Sta. Ana.
RadyoMaN Paul Canono
