Davao City – Nadala sa balay-tambalanan ang usa a 52 anyos nga lalaki human na hit-and-run sa usa ka de pampasaherong sakyanan.
Biktima nila nga si Emmanuel Augus Baliling, usa ka vendor, residente sa Brgy. 6-A Malvar ning siyudad.
Sa rekord sa San Pedro PNP, alas 9:20 sa buntag naglakaw ang biktima sa may dalang San Pedro Ext. sa dihang kalit mi-counterflow ang usa ka Route 2 nga PUJ diin nasaghiran ang iyang walang bahin sa bukton hinungdan sa pagka-angol niini apan daling misibat paingon sa dalang Quirino ang maong sakyanan.
Gidala sa Southern Philippines Medical Center (SPMC) ang biktima nga luwas na sa makuyaw nga kahimtang.
Ang maong kaso gi-refer na ngadto sa Land Transportation Office (LTO) aron masikop ang driver sa maong sakyan nga misibat sa iyang obligasyon.
RadyoMaN Paul Canono
