South Cotabato—Samdan ang usa ka lalaki human kining gidunggab sa duha ka mga suspetsado niadtong nakalabayng gabie sa Lower Paredes, Barangay Zone 1, Koronadal City.
Biktima giilang si Ronilo Tubong Banua Francisco, 37, residenti sa purok New Leganes, Koronadal City.
Sa report sa Koronadal PNP nasayran nga nakig-inum ang biktima ngadto sa iyang mga barkada sa Purok Manga, human sa pila ka oras, midesisyon ang biktima nga muuli sa ilang panimalay apan pag-abot sa ngitngit nga dapit siya giatngan sa mga suspek ug gidunggab sa walay igong rason.
Nakaangkon ug samad sa iyang dughan ang biktima. daling gidala sa south cotabato provincial hospital ang nasangpit human sa insidenti. Sa karon naghimo nag makuting imbistigasyon ang kapulisan kalabutan sa insidenti.
