Patay ang usa ka ice cream vendor human nakabangga sa Hyundai truck ang gimanehong motorsiklo.
Ang biktima mao si Roel Moraca Pelayo, 41 anyos, taga Sabio, Natumolan, Tagoloan, Misamis Oriental ug walay driver’s license.
Nakaangkon sa grabeng samad sa ulo si Pelayo nga maoy hinungdan sa iyang kamatayon.
Matud sa paryente sa biktima nga hubog kini sa dihang nagmaneho sa motorsiklo.
Nahitabo ang aksidente sa National highway sa Villa Rosario, Casinglot, Tagoloan, Misamis Oriental mga alas 9:30 kagabie.
Nasayran nga nihinay og padagan ang truck sa dihang paliko unta kini sa walang bahin sa Kudos Yard sa Tagoloan dihang nabangga sa likod nga bahin sa truck ang motor sa biktima.
Sa karon detinado na sa Tagoloan Municipal Police Station ang suspek nga si Jovan Tabil Silud, 39 anyos, minyo ug taga Purok 1, Villa Trinitas, Barangay Bugo ning syudad
