Davao City- Wala makontento sa serbisyo sa usa ka GRO ang usa ka kustomer hinungdan sa iyang pagwild sulod sa usa ka bar sa Barangay Dumoy, Talomo District Davao City pasado alas onse sa kagabhion.
Misangko na hinuon sa pag rambol sa mga kustomer human mapiksi ang ubang lamesa sa gipang itsang botelya sa suspek nga si Antonio Momontayaw 29 anyos, construction worker taga-Sta Cruz Davao Del Sur.
Nangasuko ang ubang kostumer nga nabalda sa ilang paglingaw lingaw rason nga gitabangan og kulata ang suspetsado hinungdan nga bun-og kaayo sa dihang giendorso sa Talomo Police Precinct.
Nag wild ang suspek kay dili niya buot maglakaw lakaw ang iyang ka table nga si alyas Phoebe, GRO sa maong bar diin mi abi abi og laing mga kostumer.
Depensa sa floor manager nga kulang sila og serbidora rason nga usahay mu-entertain pud si Phoebe sa ubang order sa mga kostumer nga gikasuko sa suspetsado.
Nagdoble na karon ang problema sa suspek tungod pabayran sa management sa bar ang bill sa ubang mga kostumer nga nanibat tungod sa pag ulbo sa kasamok.
Kasamang Erin Lumosbog
