General Santos City—patay ang usa ka vendor human nga nahulog sa gitulugan niini motorsiklo nga nakaparking alas 4:00 ang takna kaganinang kaadlawon sa may Kasoy Street Corner Quirino Street, Barangay East, Gensan.
Giila ang biktima nga si Rolly Natividad, residenti sa dakbayan sa Gensan. Sumala sa higala sa biktima nga si Manuel, gikan ug inum ang biktima sa may Pioneer Avenue, ala 1:00 ang takna sa kabuntagon dihang nahidangat kini sa may Quirino Street.
Pag abot sa lugar, nag higda matud pa kini sa motorsiklo nga gipanag-iyahan ni Manuel, apan human sa pila ka oras, kalit lang nga nahagbong ang nahisgutan.
Wala na dayon kini kalihok mao nga nangayo dayon ug tabang si Manuel sa uban nilang amigo aron madala sa ospital si Natividad.
Apan wala gyud kini nakalingkawas sa kamatayon human nga nakabsan kini ug kinabuhi. Dako ang pag tuo ni Manuel nga giataki sa iyang balatian ang biktima. una na kining miangkong nga nakasinati kini ug highblood pressure.
