General Santos City— Giangkon sa suspek nga si Floro Adelante Jr., 43 anyos nga residente sa Prk. 17-A, Brgy. Fatima ning dakbayan nga lambigit gyud siya sa pagpamaligya ug illegal nga droga.
Apan dili matud pa kanunay gumijan igo lang man siyang ginasugo nga maghatud higayon nga adunay ka-transaksyon ang iyahang amo. Higayon matud pa nga makahatud siya ug usa ka libo nga kantidad sa droga, ginahatagan siya ug usa ka gatos ka pesos.
Pamahayag niya nga bag-uhay lang niya gisulod ang maong binuhatan gumikan sa kalisod sa ilahang sitwasyon ug kulang nga pinansyal, iyahang gisulod ang pagpamaligya ug illegal nga droga aron ma-provide ang panginahanglan sa iyahang pamilya hilabi na mga anak nga nagatungha.
Dako matud pa ang iyahang pagmahay nga iyahang gisulod ang illegal nga aktibidad apan nadakpan naman siya sa kapulisan, andam matud pa siya nga bayaran kini sulod sa prisuhan.
Andam man matud pa siyang makig-alayon sa kapulisan aron madakpan ang iyahang ginakuhaan ug illegal nga droga.
