Dao, Capiz – Pilas sa tiyan ang naangkon sang manghod makaligad ini ang ginbuno sang mismo magulang alas 5:30 sang hapon sa Brgy Ilas Norte banwa sang Dao. Ginkilala ang biktima kay Mariano Escomen y Dieta, 56-anyos ang pang-edaron nga sa subong ang padayon nga ginabulong sa Roxas Memorial Provincial Hospital(RMPH) samtang ang suspek nga magulang sini nga ginkilala kay Segundo Escomen y Dieta, 61-anyos ang yara na nakahunong sa Dao Municipal Police Station matapos nga boluntaryo nga nagsurrender sa mga kapulisan. Base sa imbestigasyon sang Dao PNP, hubog ang biktima nga si Mariano sa diin gin-suknaan sini ang magulang nga si Segundo natuhoy sa atraso sa tunga nila sang una. Bangud nga na-insulto ang magulang, nag-uli ini sa ila poluy-an agud nga magkuha sang kutsilyo kag pagbalik diri na ginhandos sang buno ang manghod nga biktima.
