Zamboanga del Sur – Nadakpan kapulisan ang onse katawo gumikan sa pagdula sa illegal nga sugal dihang gilunsad ang illegal gambling operation sa managlahi nga lugar sa probinsya sa Zamboanga del Sur.
Alas 12:30 kagahapon sa udto gironda sa pwersa sa Pagadian City Police Station ang mga sugarol sa dulang (tong-its) sa Purok Silao, Brgy. Dumagoc ning syudad.
Nadakpan sa maong operasyon sila si Rey Martuña Auxtero, 47-anyos, Junry Pacho Hocoy, 36-anyos, ug Jodato Casinto Ofima, 48 -anyos pulos residente sa Brgy. Dumagoc.
Nakuha sa posisyon sa mga dinakpan ang braha ug 300 pesos nga sugal.
Samtang sa lungsod sa Labangan, nikasa usab og police operation batok Tare-tare ang kapulisan sa Purok Curvada, Barangay Noburan, Labangan, Zamboanga del Sur.
Dihang niabot ang kapulisan sa lugar daling nisibat ang mga sugarol diin gibyaan sa dapit gitarian ang suha ka bihag, 850 nga sugal ug duha ka bulang.
Bisan nakaikyas sa kamot sa otoridad ang mga nagsugal nailhan gihapon kini sa kapulisan ang nagpaluyo sa tare-tare nga sila si MARIANO LUMOSAD, 63 -anyos, MARLON LUMOSAD, 35 -anyos, ug PICOT KAPA , 25-anyos pulos taga-Purok Curvada, Brgy. Noburan, Labangan, Zamboanga del Sur.
Ang mga suspek gipasakaan og kasong paglapas sa Presidential Decree 449 kun (Law on Cock Fighting).
Sa lungsod sa Molave, tulo ang nadakpan sa police operation batok illegal numbers game kun (Peryahan ng Bayan) sa Barangay Madasigon ug Barangay Maloloy-on, Molave, Zamboanga del Sur .
Nadakpan ang mga ahente sa Globaltech Mobile Online Corporation, nga sila si ORLANDO DELOS REYES, JEAN REVILLA, 31 -anyos ug CATHERINE SISMUNDO ang mga dinakpan gikustodiya sa Molave Municipal Police Station Detention Cell.
Wala usab magpaulahi ang tropa sa Aurora PNP uban ang personahe sa Provincial Intelligence Unit gihimo ang Anti-Illegal Gambling operation sa Purok Santa Teresita, Brgy Poblacion, Aurora ,Zamboanga Del Sur nag miresulta sa pagkasikop ni JASON PUGALES, 21-anyos taga Purok Angela, Barangay San Jose, Aurora ,Zamboanga Del Sur, kun asa caught in the act nga nag-operate sa Peryahan ng Bayan.
Pipila ka gutlo ang nilabay laing operasyon ang gikasa sa Purok Panaghiusa, Brgy Monte Alegre, Aurora diin nadakpan si TRESA DELOS REYES, operator sa Peryahan ng Bayan nakumpiska gikan sa ilang posisyon ang gamit sa maong sugal ug mga patad niini.
