Davao City- Patay ang usa ka lalaki nga nagwild sa dihang gitabangan kini og dunggab sa mga grupo sa kalalakin-an.
Sumala sa report sa San Pedro PNP, ang maong lalaki maoy suspek sa pagpanguot og kwarta sa usa sa mga nagtambay sa may dalang Legaspi ug nakigsinumbagay ug gipaak ang iyang gikuotan ug nasayran nga hubos usab kini.
Human sa nahitabo sa may dalang Legaspi, misutoy og dagan ang wala pa mailhing lalaki human nabadlungan sa usa ka nagpailang sakop sa Task Force Davao ug sa dihang naabot ang lalaki sa may fruit stand sa Bangkerohan, nag wild kuno ang lalaki ug gimaoyan matud pa ang grupong ginganlan og ‘Bito Bantillan’ ug didto nahitabo ang pagpanunggab sa nasangpit nga grupo ngadto sa lalaki.
Gidala sa mga nakasaksi sa maong panghitabo ang lalaki sa Brokenhire Hospital apan gideklara na kining patay sa attending physician.
Samtang ang mga nanunggab daling misibat sa hilit nga bahin sa Bangkerohan ug naghimo na og hot pursuit operation ang kapulisan sa San Pedro aron sa pagsikop sa mga mibuhat sa maong krimen.
RadyoMaN Paul Canono
