Davao City- Naka-angkon og samad tinigbasan ang usa ka 19 anyos nga babaye human gitigbas og jungle bolo sa Purok 1-B Brgy. 76-A Bucana ning syudad sa Davao.
Sumala sa report sa Sta. Ana PNP, bandang alas 5:40 sa kadlawun, pugsanong misulod ang suspek nga giilang si Alyas Norki sa panimalay sa babae nga si Hadsmer Sakara Kamsi ug gitigbas ang biktima igo sa toong bahin sa kamot niini gani maayo nalang nakasagang ang biktima ug nailog ang bolo gikan sa suspek.
Daling nagpakitabang ang biktima sa kapulisan sa Sta. Ana apan sa dihang miresponde sila, daling misibat ang suspek sa wala matino nga direksyun.
Gani gidala gilayon sa Southern Philippines Medical Center ang biktima ug luwas na sa makuyaw nga kahimtang.
Samtang kapulisan naghimo na og follow up investigation sa maong panghitabo.
RadyoMaN Paul Canono
