Jamindan, Capiz – Arestado ang isa ka persona sa Brgy. Agambulong, Jamindan, Capiz matapos nga nagpinalupok sang armas luthang alas 9:45 sang nagligad nga gab-i.
Yara na nakahunong sa lock up cell sang Jamindan PNP ang suspek nga si Marcos Atanacio y Vigo, 52-anyos sang Cainta, Rizal kag temporaryo nga nagapuyo sa nasambit nga lugar.
Narekober sa suspek ang isa ka .38 kalibre nga armas luthang, duha ka mga bala nga wala makalupok kag duha ka basiyo. Base sa imbestigasyon sang Jamindan PNP, naga-inum ang amo nga persona sa isa ka baligyaan sa amo nga lugar sang may nakabais nga mga menor de edad nga nagresulta sang pagpalupok sang suspek.
Magapangatubang sang kaso nga pagbayolar sa R.A 10591 ukon illegal possession of firearms and ammunitions ang nasambitan nga persona.
*(photo from PlacesMap.net)*
