General Santos City–gikatakdang pasakaan ug kasong pagsupak sa RA-10591 kon comprehensive law on fire arms and ammunition ang suspect nga si Danny Garcia Boone, 38, ug nanimuyo sa Purok 6, Barangay Kiayap, Maitum Sarangani Province, human nga nakuhaan kini ug armas nga 357 nga revolver alas 12:00 ang takna sa kaadlawon sa Barangay Lagao ning syudad.
Sumala pa ni PCI Peter Pinalgan Jr. ang hepe sa Police Station 3 nga mitawag matud pa kanila ang mga concern citizsen sa prk 15, Zone 4, partikular na sa tindahan nga colbares store sa Barangay Lagao human nga natulog matud pa ang suspect sa maong lugar tungod sa kahubog ug nahulog gikan kaniya ang gisukbit nga arams.
Pag abot matud pa sa mga personahe sa police station 3 sa maong lugar ilang gipangitaan ug dukomento ang nasangpit nga suspect sa iyahang armas apan wala kiniy mapakita hinungdan nga kini gi balhog.
Nag pasalamat nalang usab si PCI Pinalgan sa katawhan tungod pinaagi sa report nga ilahang nadawat gikan sa mga tawo gilayon nilang nasikop ang suspect nga nag dala-dala ug armas.
Samtang hugot na usab nga gipanghimakak sa suspect nga si Danny Boone nga iyaha ang maong armas, sumala pa niini nga hubog kaayo siya sa maong higayon ug wala siya nasayod ug nagdala kini ug arams.
Gani gikabutyag pa sa suspect nga bisan pa ug adtuon kini sa ilahang lugar sa Maitum wala kini record.
