Roxas City, Capiz – Patay ang isa ka persona matapos nga nabunggo sa naka-park nga traysikol ang ginamaneho sini nga motorsiklo alas 9:35 sang gab-i sa Barangay Mongpong, Roxas City. Dead-on-arrival sang gindangat sa ospital ang 29-anyos nga driver sang motorsiklo nga nakilala kay Joemar Segarino nga residente sang Barangay Dapdapan, Sapian, Capiz.
Nahibaluan nga ginasubay ni Segarino ang amu nga dalan sang wala sini makontrol ang manibela kag gulpi sini nga ginbunggoan ang naka-parking nga traysikol nga ginapanag-iyahan ni Relly Arenajo, 50-anyos sang Malipayon Village, Barangay Tiza, Roxas City.
Nag-angkon sang patal nga pilas sa ulo ang biktima kabangdanan sang hinali sini nga kamatayon.
Gindala pa ini sa ospital apang alas 10:15 sang gab-i, ini ang gin-anunsyar sang doktor nga ginbawian sang kabuhi.
photo(c)- CERT
