Maayon, Capiz – Natalana nga pasakaan sang kaso ang isa ka retired police officer nga nagtuga sang kinagamo kag eskandalo sa banwa sang Maayon kag naghangkat pa sang away sa mismo hepe sang Maayon PNP nga si Police Lt Mark Anthony Garcia.
Kaso nga direct assault, malicious mischief kag alarm and scandal ang paga-atubangon sang hubog nga suspek nga ginkilala kay John Francis Borres, 55-anyos ang pang-edaron.
Nahibaluan nga ginsulod sini ang poluy-an sang utod nga si Jose Mandy Borres, nagtuga sang gamo kag ginpangsamad ang mga kagamitan.
Sang ginrespondehan sang mga kapulisan kag gindala sa police station, iya pa nga gintuyo nga sumbagon ang hepe sang Maayon PNP kag ginhangkat sang away.
Sa subong yara na nakahunong sa karsel ang amu nga persona kag natalana nga pagapasakaan sang nagakaigo nga kaso.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
