Davao City – Nangayo og despensa ang management sa Davao City Overland Transport Terminal (DCOTT) sa mga biyahero tungod sa taas nga linya pasulod sa terminal.
Sa interbyu sa DXDC RMN Davao kang Aiza Usop, manager sa DCOTT, gibutyag niini nga hugot nga gina-inspeksyon sa Task Force Davao (TFD), ang mga mosulod nga pasahero diin bisan ang mga pitaka nga posibleng kasudlan og kontrabando ginapaagi sa baggage x-ray machine.
Matud ni Usop, nahimong magreklamo ang pasahero sa taas nga linya apan nangayo og pagsabot ang DCOTT manager diin kini gipatuman alang sa seguridad ug kaayohan sa tanan.
“Naka-ingon ko nga namroblema gyud ‘ta sa atoang pagpasulod tungod sa kataas sa (linya) atoang mga pasahero,” sulti ni Usop.
Sa pagkakaron, nagpabiling suspended ang pagpasakay sa mga bus stops sa syudad sa Davao.
RadyoMaN Kirby Manzon
Facebook Comments
