PDEA-XI: P20M kantidad sa shabu nasakmit gikan Enero

22
Davao City – Sulod sa lima ka bulan mokantidad sa P19.7 million nga illegal nga droga ang nasakmit sa Philippine Drug Enforcement Agency (PDEA-XI).

Gibutyag ni Aileen Lovitos, PDEA XI Regional Director, gikan Enero hangtod Mayo 2022 sa series of anti-illegal drug operations, nasakmit sa mga operatiba ang 1,760 gramos sa shabu o mobalor sa P12.6 million, 50,514 gramos sa marijuana kun P7 million ug lima kabuok ecstacy o P8,500 ang estimated street value.

Gibutyag ni Lovitos, sukad sa iyang paglingkod isip Regional Director walay natalang namatay nga mga drug suspek kinsa giingong nisukol sa operasyon.

“Mas lalo nating paiigtingin iyong ating monitoring sa mga drug personalities so we could prevent iyong pagpasok pa ng mga drug players and their drug trading dito sa ating region,” matud niini.

RadyoMaN Aimee Guinita

Facebook Comments