Davao de Oro – Usa ka Command Conference gipahigayon sa kagamhanang probinsya sa Davao de Oro sa kapolisan ug kasundalohan aron tukion ang padayong pagpatuman sa hugot nga seguridad isip pagpangandam sa nagpadayong kagubot tali sa Amerika ug Iran.
Sumala ni Davao de Oro Provincial Police Director Joselito Loriza, human giwagtang ang martial law sa Mindanao nagpadayon gihapon ang hugot nga seguridad sa mga pampublikong lugar sama sa mga shopping malls, terminals, simbahan, palengke ug mga nag-unang kadalanan pinaagi sa checkpoint sanglit dunay epekto dinhi sa Pilipinas ang buroka sa duha ka nasud.
Naghangyo ang kapolisan sa publiko nga sabton ang gipatumang hugot nga seguridad sa mga owtoridad tungod kay alang kini sa kaluwasan sa tanan.
RadyoMaN Jules Catisay
