Kapkapan ang tanang tawo nga musulod sa capitol ground nga musaksi sa ground presentation ugmang adlawa.
Sa interview sa RMN Malaybalay ngadto kang PSupt Arce Yam-oc, ang ground commander sa Kaamulan 2018 gibutyag niini nga gawas kini sa counter sign nga ilang himoon.
Dungan niini gisiguro ni Yam-oc nga walay mahitabong pagpanglapas sa tawhanong katungod atol sa kapkap.
Itaya matud pa niya ang iyang trabaho kung aduna may human rights violation atol sa maong hugot nga seguridad nga ipatuman sa highlights sa Kaamulan 2018.
Sigun niini nga isip ground commander iyang ipasalig nga kung adunay reklamo batok sa iyang mga gingsakpan iya kining patungan ug suspension o kaha dismissal from service.
Alayon niini nangayo ug depensa ang opisyal sa publiko nga ma apektuhan sa ilang hugot nga pagpatuman sa segirudad. Depensa niya nga iyang siguruhon nga magmalinawon ang Kaamulan 2018.
